“Бугун Москва вақти билан соат 00:00:20 да “Роскосмос” давлат корпорациясининг космонавти, Халқаро коинот станцияда фаолият юритувчи Олег Кононенконинг коинот парвозларнинг умумий давомийлиги дунёда биринчи марта 1000 кунга етди”, дейилади хабарда.
Кононенко 2023 йил 15 сентябрда россиялик космонавт Николай Чуб ва америкалик Лорал О'Хара билан бирга “Союз МС-24” фазовий кемасида бешинчи коинот парвозини амалга оширди. О'Хара 6 апрель куни россиялик космонавт Олег Новицкий ва беларуслик космонавт Марина Василевская билан бир кемада қайтиб келди.
Кононенко ва Чуб Новицкий ва Василевская билан “Союз МС-25”да учиб келган америкалик Трейси Дайсон билан бирга 23 сентябрь куни Ерга қайтади. Халқаро коинот станциясига бешинчи миссияси тугаганидан сўнг, Кононенконинг умумий парвоз вақти 1110 кунни ташкил қилади.
Россиялик космонавт Геннадий Падалкага тегишли аввалги жаҳон рекорди (878 кундан ортиқ) 4 февраль куни Кононенко томонидан янгиланган эди.
Кононенко ўзининг биринчи коинот парвозини 2008 йилда, иккинчисини 2011-2012 йилларда, учинчи ва тўртинчи парвозини 2015 ва 2018-2019 йилларда амалга оширган. У 2016 йилдан бери Россия космонавтлар корпусини бошқариб келади, деб хабар беради ria.ru.
