Биолог Бретт Уильямснинг сўзларига кўра, уруғлар Ер сунъий йўлдошига “Beresheet-2” космик кемаси орқали етказилади. Ойга етказилгандан сўнг, ўсимликлар суғориш тизими билан жиҳозланган герметик камераларга жойлаштирилади, бу олимларга экинларнинг ўсишини кузатиш имконини беради.
Тадқиқотчиларнинг таъкидлашича, Ойга етказиладиган ўсимликлар экстремал шароитларга қанчалик бардош бера олиши ва қанчалик тез униб чиқишига қараб танланади.
“Лойиҳа Ойда инсон ҳаётини яратишда муҳим аҳамиятга эга бўлган озиқ-овқат, дори-дармон ва кислород учун ўсимликлар етиштириш йўлидаги биринчи қадамдир”, — дейилади тадқиқотчилар баёнотида.
Канберрадаги Австралия Миллий университети доценти Кейтлин Биртнинг айтишича, тадқиқот иқлим ўзгариши сабабли озиқ-овқат хавфсизлиги билан боғлиқ хавотирлар туфайли бошланган.
“Агар биз Ойда ўсимликлар етиштириш тизимини ярата олсак, унда биз Ердаги энг қийин шароитда у ерда озиқ-овқат етиштиришимиз мумкин бўлади”, деди Бирт.
