Муз бўлаги 1986 йилда музликдан ажралиб чиқди, аммо 30 йилдан кўпроқ вақт давомида “қамал”да бўлди. Яқинда у ҳаракатлана бошлади ва ҳозирда Антарктида ярим ороли олдидан ўтиб кетмоқда.
Ўлчовлар шуни кўрсатдики, айсбергнинг майдони 1500 квадрат миля (3884,98 квадрат километр), ҳажми миллион куб километрга яқин ва оғирлиги бир триллион тоннадан озроқ. Шундай қилиб, айсберг Париждаги Эйфель минорасидан 100 миллион марта оғирроқ.
Муз бўлаги “тиш”га ўхшайди. Тўлқинлар ва шамол таъсирида у шимол томонга кунига тахминан 48 километр тезликда ҳаракат қиляпти.
Европа коинот агентлигидан олинган сунъий йўлдош суратларида айсберг Антарктика ярим оролига яқин жойлашган Кларенс ва Элефант оролларига яқинлашаётганини кўрсатди. Катта эҳтимол билан у Жанубий Атлантикадаги Айсберглар хиёбонига етиб бориб, илиқроқ сувда аста-секин парчаланиб кетиши мумкин, деб хабар беради mir24.tv.
