Тадқиқотда 50 ёшдан 65 ёшгача бўлган ўртача даражада когнитив нуқсони бўлган беш эркак ва 25 аёл иштирок этди. Олимлар беморларнинг соғлиғи ҳақида керакли маълумотларни тўплашди ва улардан қон намуналарини олишди. Кейин иштирокчилар икки гуруҳга бўлинди.
Биринчи гуруҳ нонушта учун қуритилган кукун шаклида қулупнай истеъмол қилди, иккинчи гуруҳ эса бир хил таъм ва ҳидга эга бўлган плацебо қабул қилди.
12 ҳафталик тадқиқотдан сўнг когнитив тестлар якунига етди. Қулупнай истеъмол қилган беморлар плацебо гуруҳидагиларга қараганда яхшироқ натижа қайд этишди. Қулупнай биринчи гуруҳдаги иштирокчиларнинг руҳий саломатлигини ҳам яхшилади. Одамларда депрессия белгиларининг пасайиши қайд этилган, деб хабар беради lenta.ru.
Олимларнинг таъкидлашича, когнитив қобилиятнинг яхшиланиши қулупнай полифенолларга бой бўлганлиги билан боғлиқ бўлиши мумкин.
