Унинг айтишича, Н.Ф.Гамалея номидаги Эпидемиология ва микробиология миллий тадқиқот маркази олимлари томонидан ишлаб чиқилган вакцина тез орада рўйхатга олиниб, октябрь ойидан оммавий эмлаш тадбирларини бошлаш режалаштирилган.
"Айни пайтда рўйхатга олиш жараёнлари учун ҳужжатлар тайёрланмоқда. Шунингдек, яна бир вакцина устида клиник тадқиқотлар кетмоқда, келгуси бир ярим – икки ой ичида клиник тадқиқотлар ўтказиш учун рухсат берилишини сўраб яна камида иккита ариза келиб тушишини кутяпмиз», – дея Мурашконинг сўзларини келтирмоқда РИА Новости.
Вазирнинг қайд этишича, биринчи навбатда аҳолининг алоҳида тоифалари – шифокорлар, ўқитувчилар ва мунтазам равишда кўплаб одамлар билан контактда бўладиган кишилар қамраб олинади.
Бошқа давлатларнинг Россия вакцинаси тез муддатда тайёр бўлганига шубҳаларига нисбатан айтиш жоизки, Россия президенти Владимир Путин апрель ойида коронавирус профилактикасига оид клиник ва унга қадар бўлган синовлар ҳамда давлат рўйхатидан ўтказишни соддалаштириш ва муддатини қисқартириш бўйича топшириқ берган.
