Жумладан, XI-XII асрлар билан даврлаштирилган узунлиги 12 метр, кенглиги 6.30 м бўлган катта хонаҳоқ топилди.
Унинг кириш қисмидаги йўлак пишиқ ғиштлар билан қопланган. Залнинг ён деворлари қалинлиги 1,3 м кенгликда эканлиги унинг маҳобатли иншоотлигидан далолат беради.
Залнинг жанубий-ғарбий бурчагида ён деворлар ҳам пишиқ ғишт билан қопланган бўлиб, кучли олов натижасида куйганлиги бу эрда ёғочдан ишланган пештоқ ҳам мавжуд бўлганлигини кўрсатади.
Ёнғин натижасида пештоқдан қулаб тушган йирик ёғоч қолдиқлари ҳам аниқланиб, уларнинг сақланиб қолганлари синчиклаб ўрганилганда юза қисмлари ўйма нақшлар билан безалганлиги маълум бўлди.
Қазиш ишлари давомида, шунингдек, ўрта аср қатламлари остида илк ўрта асрларга оид бўлган яна бир йирик иншоот қолдиқлари топилди.
Иншоот Қанқа ёдгорлигининг илк ўрта асрларга тегишли ибодатхонанинг шарқий тарафида жойлашганлиги ушбу йирик қурилиш қолдиқлари ибодатхона билан бевосита боғлиқ бўлиши мумкинлиги ҳақида хулосалар чиқаришга асос беради.
