Куни кеча Transfermarkt портали Осиёнинг энг қиммат ўйинчилари рўйхатини эълон қилди.
Ушбу рўйхатини жанубий кореялик Сон Ҳён Мин бошқармоқда. “Тоттенҳэм”нинг 29 ёшли ҳужумчисининг трансфер баҳоси 75 миллион еврога баҳоланган.
Иккинчи ўринни “Арсенал” ярим ҳимоячиси Такэхиро Томиясу банд этган. 23 ёшли япониялик футболчининг баҳоси 25 миллион евро.
Учинчи ўриндан ҳам япон ўйинчиси жой олган. “Айнтрахт”нинг 25 ёшли ўйинчиси Даити Камаданинг трансфер нархи 22 миллион еврони ташкил этган.
Ўзбекистон миллий жамоаси ҳамда “Рома” ҳужумчиси Элдор Шомуродов кучли ўнликни якунлаган. Унинг нархи 8 миллион еврони ташкил этмоқда.
