Москванинг “Спартак” клуби бош директори Евгений Мележиков жамоанинг ярим ҳимоячиси Остон Ўрунов билан амалдаги келишув бекор қилинишини тасдиқлади.
— Ушбу ҳафтада уни таклиф қилганман, гаплашиб оламиз. Ўйлайманки, келишув бекор қилинади. Ҳозирда у жамоамизнинг ёшлар таркиби билан машғулотларда иштирок этмоқда, — дейди Е. Мележиков.
Сал аввалроқ матбуотда ўзбекистонлик 21 ёшли футболчининг “Спартак” билан шартномаси муддати 2025 йилгача бўлиб, ойлик маоши 50 минг евро эканлиги, келишувни бекор қилиш учун Остон клубдан 2 миллион евро сўраётгани ҳақида хабарлар пайдо бўлганди.
