Шаҳар Фавқулодда вазиятлар департаментининг маълум қилишича, 13 апрель куни соат 12:28 да Остона шаҳар ФВД ёнғин хавфсизлиги бўлинмалари уларга келиб тушган қўнғироқдан сўнг аэропорт томонга йўл олган.
“Улар ҳодиса жойига етиб келиб, 1 гектар майдонда қуриган дарахт ва қамишлар ёнаётгани аниқлашди”, дейилади департамент матбуот хизмати хабарида.
Қайд этилишича, айни дамда ёнғинни бартараф этиш учун пойтахт Фавқулодда вазиятлар департаментининг 14 нафар ходими ва 3 та техникаси ишламоқда.
Аэропорт самолётлар қуюқ тутун фонида учмоқда. Аэропорт матбуот хизмати ёнғин аэропорт фаолиятига таъсир қилмаганини ҳамда у одатдаги каби ишлаётганини таъкидлади, деб хабар беради tengrinews.kz.
