Мексика чемпионатининг “Керетаро” – “Атлас” жамолари ўртасидаги ўйини 62-дақиқада тўхтатилди. Бунга мухлислар ўртасидаги муштлашув сабаб бўлди.
Трибунада бошланган тўпалон бир неча дақиқадан сўнг футбол майдонида давом этди. Ишқибозлар бир-бирларини арматура ва стуллар билан уришган. Sky Sports хабарида айтилишича, тартибсизликлар натижасида 22 киши жароҳатланган, улардан 9 нафари шифохонага ётқизилган, 2 нафарининг аҳволи оғир. Айрим манбаларда 17 киши ҳалок бўлгани ҳам айтилмоқда.
