Бу ҳақда Нукус шаҳридаги “Sovyonok” мактабгача таълим ташкилоти методисти Ойсара Абдужамилова шундай деди:
— 150 ўринга мўлжалланган боғчамиз 2022 йил февраль ойида ишга тушди. Ҳозирда бу ерда 130 ўғил-қиз тарбияланяпти. Кўриб турганингиздек, боғчамиз энг замонавий жиҳозланган. Турли тўгараклар фаолият юритмоқда.
Бундан ота-оналар, болажонларимиз қувончи чексиз.
Ўша кунлари ҳам иш тўхтамади. Ота-оналар фарзандини ҳеч хавотирсиз олиб келиб турди. Шукрки бугун ҳаммаси маромида. Ҳеч ким хавотирга тушгани йўқ. Ҳаяжонга, ортиқча провокацияга берилмадик.
Ҳамма ўз уйида тинчлик бўлишини хоҳлайди. Биз ҳам Ўзбекистонда, Қорақалпоғистонда тинчлик бўлсин, деймиз. Халқимизни ажратишга бўлган уринишлар амалга ошмаслигига ишонамиз.
