Унга қанотларда марокашлик Закария Бринси ва жазоирлик Аббос Акрам ёрдам беради. Тўртинчи ҳакам сифатида мавританиялик Абдулазиз Буҳ ишлайди.
Шунингдек, ВАРда мисрлик Амр Эл Шинави ва марокашлик Ҳамза Эл Фариқ фаолият юритади.
Эслатиб ўтамиз, "А" гуруҳининг 3-туридан ўрин олган мазкур беллашув 27 май куни Тошкент вақти билан соат 02:00 да старт олади.
Ўрни келганида таъкидлаш ўринлики, 2-тур якунлари бўйича "А" гуруҳида Аргентина термаси 6 очко билан пешқадамлик қилмоқда. Мезбон жамоа дастлабки турда Ўзбекистон, иккинчи турда эса Янги Зелландияни мағлуб этди. Иккинчи ўринда бораётган Янги Зелландия эса биринчи турда Гватемалани енгди, иккинчи турда термамиз билан дуранг ўйнади, шу тариқа 4 очкога эга бўлиб турибди.
Ўзбекистон эса 1 очко билан 3-ўриндан жой олган. Шунинг учун ҳам мундиалнинг кейинги босқичига чиқиш учун бўлажак ўйинда футболчиларимиз имкон қадар йирик ҳисобда ғалаба қозониши талаб этилади.
