“Ўзбекистон – Канада” парламент дўстлик гуруҳининг иккинчи мажлиси бўлиб ўтди

Унда Ўзбекистон Республикаси Олий Мажлиси Сенатининг биринчи ўринбосари С. Сафоев ҳам иштирок этди ва нутқ сўзлади.

Парламентлараро дўстлик гуруҳлари фаолиятини фаоллаштириш ва Ўзбекистон ҳамда Канада ўртасидаги икки томонлама алоқаларни кенгайтириш масалалари, делегациялар ташрифларини амалга ошириш ва қонун чиқарувчи органлар фаолиятини такомиллаштириш бўйича тўпланган икки мамлакат тажрибасини чуқур ўрганиш масалалари кўриб чиқилди.

Томонлар ўзаро манфаатли бўлган кўплаб масалалар бўйича ҳамкорлик алоқаларини ривожлантиришни давом эттиришга тайёр эканликларини таъкидладилар.

Парламент дўстлик гуруҳлари форматида ҳамкорликни давом эттириш муҳимлиги қайд этилди. Парламент делегацияларининг ўзаро ташрифларини амалга ошириш, шунингдек кун тартибини янги амалий мазмун билан бойитиш тўғрисида келишувга эришилди.