Хусусан Италининг Триказе шаҳридаги “Галлон шаҳзодалари саройи”да (Palazzo Dei Principi Gallone) , жорий йилнинг 15 октябридан 2023 йилнинг 7 январигача давом этадиган ўзбек ҳунармандчилик маҳсулотлари кўргазмаси ташкил этилди. Ушбу тадбир “Salento Film Festival” компанияси ижрочи директори Луиджи Кампаниле билан биргаликда амалга оширилди.
Л.Кампаниле элчихона билан ўрнатилган яқин дўстлик алоқаларини инобатга олган ҳолда ушбу тадбирларни Италиянинг кенг жамоатчилик эътиборига етказилишини таъминлаш мақсадида махсус веб-саҳифани ҳам ишга туширди. Ушбу онлайн нашрда кўзгазмага оид материаллар жойлаштирилмоқда.
Ўз навбатида, Триказе шаҳри мэри Антонио Ди Доно ушбу кўргазмани ташкил этишдаги жонбозлиги учун Ўзбекистон элчихонасига алоҳида миннатдорлик билдирди.
Ўзбекистон ҳунармандлик маҳсулотларини Италияда кенг тарғиб этиш бўйича навбатдаги кўргазма келгуси йилнинг 20 январидан 15 мартига қадар Апулия вилоятидаги Бишелье шаҳрида жойлашган кўҳна “Туппути” саройида ўтказилади.
