Тадбирлар 2021 йил 6-9 сентябрь кунлари бўлиб ўтади.
Конференция «Сайёрамиз аҳли учун тинчлик ва барқарор ривожланишни таъминлайдиган янада самарали кўп томонлама ҳамкорлик учун парламент раҳбарияти» деб номланган умумий мавзуда бўлиб ўтади.
Парламентлараро иттифоқ томонидан Австрия Республикаси парламенти ва Бирлашган Миллатлар Ташкилоти билан биргаликда ташкил этилаётган тадбирда дунёнинг 110 дан ортиқ парламент раҳбарлари иштирок этиши кутиляпти.
Жаҳон парламентлари раҳбарларининг учрашуви Парламентлараро Иттифоқ томонидан ҳар 5 йилда анъанавий тарзда ўтказилиб келинади ва юксак даражада парламентлараро мулоқот ҳамда ўзаро ҳамкорлик учун ноёб глобал форум ҳисобланади.
Бу галги учрашув 2020 йилда бўлиб ўтиши керак эди, бироқ у коронавирус пандемияси туфайли бу йилга қолдирилди. Экспертлар иштирокидаги музокаралар ўтган йили видеоконференсалоқа форматида ўтказилиб, унда Олий Мажлиси Сенати аъзолари ва Қонунчилик палатаси депутатлари иштирок этган эди.
Ташриф доирасида Ўзбекистон Республикаси Олий Мажлиси делегацияси хорижий мамлакатлар парламентлари ва етакчи халқаро ташкилотлар раҳбарлари билан ҳам бир қатор икки томонлама учрашувлар ўтказилиши режалаштирилган, деб хабар беради Ўзбекистон Республикаси Олий Мажлис Сенати матбуот хизмати.
