Кундалик ҳаётимизда электр тармоғи орқали узатиладиган электр энергиясидан фойдаланишга одатланганмиз. Аммо дунёда аллақачон, муқобил энергия манбалари, хусусан, қуёш панелларидан фойдаланиш оммалашмоқда. Улар арзон бўлиш билан бирга, сизни “свет” тез-тез, айни керак пайтида ўчиб қолиши муаммосидан халос этади.
Энергетика вазирлигининг маълум қилишича, уйдаги хоналарни ёритиш, иккита телевизор, битта музлаткич ва битта кондиционер ишлатиш учун 3 кВт қувватли қуёш панеллари керак бўлади. Бундай панелларни ўрнатиш нархи — 18 миллиондан 30 миллион сўмгача боради, деб келтирмоқда “Ўзэлтехсаноат” уюшмаси.
Қуёш сув иситгичлари анча арзонроқ. Кунига ўртача 100 литр сувни иситадиган қурилма ўрнатиш харажатлари билан бирга, тахминан 3 миллион сўмга тушади. Замонавий коллекторлар қуёш ботганидан кейин ҳам уйни иссиқ сув билан таъминлай олади.
