Туркиянинг театр соҳасидаги энг нуфузли «TIYATRO» газета-журналининг 2020 йил сентябрь сонида, таниқли журналист, санъатшунослик фанлари номзоди Ойбек Вейсал ўғлининг Қашқадарё вилоят мусиқали драма театри директори Ўткир Маҳматқулов билан кенг кўламли суҳбати чоп этилди.
Интервьюда 100 йилдан ортиқ ўтмишга эга бўлган ўзбек профессионал театр тарихи, Мустақиллик йилларига келиб янги даврни бошланганлиги, Республика театрларида миллий ғоя, истиқлол мафкураси, буюк тарих ва аждодларимизнинг жаҳон цивилизациясига қўшган улкан ҳиссаси, театр саҳнасидан эркин мулоқот қилиш имконияти пайдо бўлганлиги хусусида фикр юритилган.
Туркиянинг «TIYATRO» газета-журналидаги катта мақола юртимиз Мустақиллигининг 29 йиллигини нишонлашда ўзига хос туҳфа бўлди.
