Туркия парламенти депутати Исмет Учма раҳбарлигидаги делегация таркибига Қозоғистон, Қирғизистон ҳамда Туркия парламенти вакиллари ҳам киритилди.
Томонлар Туркий кенгашга аъзо-давлатлар ҳамда Ўзбекистон ўртасидаги икки томонлама муносабатларни, шунингдек Ўзбекистон парламентининг Туркий тилли давлатлар парламент ассамблеяси билан ҳамкорлигини кучайтириш масаласини муҳокама қилишди.
И. Учма Ўзбекистон аввал бўлгани каби ҳозирги кунда ҳам турк дунёсида алоҳида ўрин тутишини қайд этди. Туркий тилли давлатлар парламент ассамблеяси Ўзбекистон билан барча йўналишлар бўйича ҳамкорликка тайёр эканини таъкидлади.
С. Сафоев, ўз навбатида, Ўзбекистон ҳам Туркий кенгаш билан ҳамкорлик қилишга алоҳида эътибор қаратаётганини қайд этди. Ўзбекистон парламенти туркий тилли давлатлар парламент ассамблеяси билан алоқаларни янада мустаҳкамлаш ниятида эканини таъкидлади.
С. Сафоев Ўзбекистон келгусида туркий тилли давлатлар парламент ассамблеясига аъзо бўлиш бўйича қарор қабул қилганини айтиб ўтди.
