“Cotton Campaign” халқаро коалицияси координатори Ралука Думитреску Ўзбекистон пахта-тўқимачилик кластерлари уюшмасига ташриф буюрди.
Меҳмон эътироф этилганидек, ўзбек пахтасига эълон қилинган глобал бойкот бекор қилингач, унинг ташқи бозордаги жозибадорлиги ортди.
— Яқинда биз Ўзбекистон билан ҳамкорлик қилишга қизиқаётган 100 дан ортиқ халқаро бренд ва компаниялар билан учрашув ўтказдик, — дейди Ралука Думитреску. — Уларни шартли равишда икки гуруҳга ажратиш мумкин. Биринчиси, юртингизда ишлаб чиқарилган ярим тайёр тўқимачилик маҳсулотлари олди-сотдисини йўлга қўймоқчи бўлса, иккинчиси эса тайёр маҳсулотларни тўғридан-тўғри сотиб олиш ёки ҳамкорликда ишлаб чиқаришни ўзлаштиришдан манфаатдордир.
Учрашувда юртимиз кластерларини халқаро брендлар ҳамда Европадаги йирик тўқимачилик корхоналарининг ишлаб чиқариш занжирига улаш масаласини атрофлича муҳокама қилдик.
Ўзбекистон пахта-тўқимачилик кластерлари»
уюшмаси
