Умуман, бу борада 25 октябрь куни АҚШнинг Филадельфия шаҳрида бўлиб ўтган Халқаро кийим-кечак федерацияси конвенциясида айтиб ўтилган эди. Шундай қилиб, 2024 йилнинг 8-10-сентябрь кунлари Самарқандда “Annual Conference ITMF” ва “IAF Fashion Convention” — жаҳон миқёсидаги икки йирик халқаро тўқимачилик федерацияларининг қўшма конференцияси бўлиб ўтади.
Ушбу кенг кўламли тадбир Ўзбекистондаги жаҳон тўқимачилик саноатининг 1000 дан ортиқ йирик иштирокчиларини жамлайди. Европа, МДҲ, Осиё, Африка ва Американинг 500 дан ортиқ халқаро ташкилотлари, тўқимачилик компаниялари, бренд ва ритейлерлар, молия институтлари раҳбарлари жаҳон тўқимачилик саноатини янада ривожлантириш масалаларини муҳокама қилиш учун илк маротаба битта платформада йиғилишади.
Ўзбекистон тўқимачилик саноати изчил ривожланмоқда. Халқаро ҳамжамият мамлакатдаги ижобий ўзгаришларни диққат билан кузатиб бормоқда ва Ўзбекистонда тўқимачилик маҳсулотларини ривожлантиришда катта ютуқларни қайд этмоқда. Қисқа вақт ичида Ўзбекистон тўқимачилик саноати рақобатбардош халқаро ишлаб чиқарувчига айлантирилди. Бундай тадбирлар Ўзбекистоннинг жаҳон тўқимачилик саноатининг муҳим иштирокчиси сифатида шаклланишига хизмат қилиши, шубҳасиз.
