Ўзбекистонда коронавирус инфекцияси қайд этилган 79237 нафар кишидан 968 нафари шифохонада қолмоқда. Касаллик уларнинг 153 нафарида оғир, 29 нафарида ўта оғир ва 786 нафарида енгил кечяпти.
Хитойнинг “Ayhui Zhifei Longcom Biopharmaceutical” компанияси томонидан ишлаб чиқилган янги коронавирус рекомбинант вакцинасини хавфсизлиги ва COVID-19 инфекциясини олдини олишдаги самарадорлигини аниқлаш мақсадида III фаза клиник тадқиқотлари ўтказилиши режалаштирилган, 9000 нафар кўнгиллилар орасида иммунизация тадбирларини ўтказилиши учун вакцина олиб келинган.
Ўзбекистонга 8 нафар хитойлик мутахассис келган, улар бугунги кунда Инновацияни ривожлантириш вазирлиги билан хамкорликда 3 фаза клиник босқичини амалга оширмоқда.
Бугунги кунда Ички ишлар вазирлигига қарашли 3та поликлиникада, Инновацион ривожланиш вазирлигининг кўргазмалар залида ва Юнусобод тумани 15-сонли оилавий поликлиникада жами 5 та муассасада COVID-19га қарши кўнгиллиларни скрингдан ўтказиш ва вакцинация қилиш учун махсус жой ташкил қилинган.
Бугун қадар 14274 нафар кўнгилли тиббий кўрик ва суҳбатдан ўтказилди.Уларнинг 6751 нафарида (47,3 фоиз) вакцинациянинг 3-клиник синов босқичлари амалга оширилди.
Республикамизга COVAXга аъзо давлатлар сингари вакцинани олиб киритилиши бўйича ҳам буюртма киритилган бўлиб, Жаҳон соғлиқни сақлаш ташкилоти ва ЮНИСЕФ халқаро болалар жамғармаси билан ҳамкорликда оммавий эмлаш тадбирларини амалга ошириш бўйича режа киритилди.
Шунингдек, Россияда ишлаб чиқилган СПУТНИК-V вакцинасини ҳам республикамизга олиб келиниши, ушбу вакцинани сертификатлаш ва эмлаш тадбирларини бошланиши бўйича музокаралар олиб борилмоқда.
