Бу ҳақда Ташқи меҳнат миграцияси агентлиги матбуот хизмати хабарида айтилишича, хорижий салоҳиятли иш берувчилар билан юртдошларимизни йирик қурилиш, хизмат кўрсатиш ва ишлаб чиқариш объектларига ишга жалб қилиш бўйича келишувларга мувофиқ, бугун 164 юртдошимиз Россиянинг Кемерово шаҳри аэропорти қурилишида ишлаш учун чартер рейс орқали жўнаб кетди.
Уларнинг транспорт, овқатланиш, патент ва яшаш харажатлари, касал бўлганда даволаниши иш берувчи компаниялар томонидан таъминланиши, шунингдек, ойлик иш ҳақи ўртача 40-65 минг рублни ташкил этиши белгиланган.
Юртдошларимиз 14 кунлик карантиндан сўнг белгиланган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.
