“Ўзбектелеком” АК энг кўп солиқ тўлаган компаниялар Топ-10 ликка кирди

Молия 10 фев 2021, 14:27 872

Йирик солиқ тўловчилар бўйича ҳудудлараро давлат солиқ инспекцияси маълумотларига кўра, 2020 йил сарҳисоби натижасида “Ўзбектелеком” акциядорлик компанияси республика бўйича энг кўп солиқ тушумларни амалга оширган йирик солиқ тўловчилар сафидан ўрин олди.

Умумий бюджетга келиб тушган солиқ тушумлардан Миллий алоқа операторинг улуши 2 фоиза тенг келди. Бу эса “Ўзбектелеком” АК нинг маҳаллий АКТ бозорида аҳамиятли ўрнини эгаллашда ва давлат ривожига муносиб ҳиссани қўшишдан далолат беради.

Маълумот ўрнида айтиш мумкинки, ўтган 2020 йил якунларига кўра, республика миқёсида жами солиқ тушумлари миқдори 103,6 триллион сўмни ташкил этган. Шундан 67,7 триллион сўм миқдордаги солиқ тушумлари айнан йирик солиқ тўловчилар томонидан амалга оширилган.