Кеча, 23 август куни ҳамюртимиз Кемран Нуриллаев IBSA Жаҳон ўйинлари ва IBSA дзюдо Жаҳон чемпионатида олтин медалга эга чиқди.
Нуриллаев олтин медаль учун кечган курашда вакилимиз грузиялик Нукри Мигрижанашвилига қарши татамига чиқди ва иппон баҳоси билан ғалаба қозонди.
Эркаклар ўртасида J2 классида -73 кг вазн тоифасида ҳамюртимиз Феруз Сайидов эса финал жанггини эронлик Ваҳид Жеддига қарши ўтказди. Афсуски, вакилимиз ушбу беллашувда имкониятни бой бериб қўйди ва делегациямиз ҳисобига кумуш медални ёздириб қўйди.
Аёллар ўртасида J2 классида -57 кг вазн тоифасида финалда қатнашган ҳамюртимиз Кумушхон Хўжаева ҳал қилувчи жангда туркиялик Зейнеб Челикка мағлуб бўлди ва кумуш медални қўлга киритди.
