Бугун Осиё Чемпионар лигаси 5-турида Тошкентнинг “Пахтакор” жамоси Саудия Арабистонининг Бурайда шаҳрида Эроннинг “Сепахон” клуби билан учрашади. Ўтган тўрт турдан сўнг тошкентликлар 3 очко билан гуруҳда сўнгги ўринни эгаллаб турибди. Шунинг учун бугунги баҳсда шерларга фақат ғалаба керак. Лекин жамоанинг етакчи футболчиси Черан жароҳат олган.
“Черан жароҳат туфайли сафдан чиққан. Унинг сафга қайтиши учун барча имкониятлар ишга солинмоқда” деди кеча бўлиб ўтган матбуот анжуманида “Пахтакор” мураббийи Славче Войнески.
Мураббийнинг таъкидлашича, барча ўйинчилар учрашув аҳамиятини тушуниб турибди.
“Пахтакор” “Сепахон” билан учта ўйин ўтказиб, икки марта ютқазган ва бир марта ғалаба қозонган.
