Бу ҳақда Коррупцияга қарши курашиш агентлиги маълум қилди.
Аниқланишича, умумий қиймати 3 млрд 931,2 млн сўмлик сув қувурларининг 3 млрд 78,4 млн сўмлик қисми, яъни 14 800 метр қувур қазиб олиниб, ўзлаштирилган.
Мазкур ҳолат Коррупцияга қарши курашиш агентлиги, Иқтисодий жиноятларга қарши курашиш департаментининг Тошкент вилояти бошқармаси ҳамда «Ўзсувтаъминот» АЖ комплаенс хизмати ҳамкорлигида ўтказилган назорат тадбирида фош этилган.
Ҳозирда ушбу ҳолат юзасидан Пискент тумани филиали раҳбари Б.К., «А.» АЖ мансабдор шахслари ва бошқаларга нисбатан Жиноят кодексининг 167-моддаси 3-қисми «а» банди билан жиноят иши қўзғатилган.
Тергов ҳаракатлари давом этмоқда.
