Бухорода шифо топганларнинг 4 нафари ушбу вилоятдан бўлиб, коронавирус инфекциясига чалинганлар билан мулоқот орқали касалликни юқтириб олган. 1 нафари эса Тошкент шаҳридан бўлиб, Россиядан чартер рейс билан Бухорога олиб келинган ва карантинга олинган. Коронавирус инфекцияси тасдиқлангач, шифохонага жойлаштирилган. Уларнинг 2 нафари эркак, 3 нафари аёл бўлиб, энг ёши каттаси 50 ёшда бўлса, энг ёши кичиги 14 ёш.
Бухорода шу пайтга қадар 372 нафар бемор соғайган.
Самарқандда тузалганларнинг 3 нафари (7 ёшли, 31 ёшли ҳамда 78 ёшли) ҳам эркак бўлиб, ушбу вилоятнинг Тойлоқ туманидан. Улар коронавирус инфекциясига чалинганлар билан мулоқот орқали касалликни юқтириб олган.
Самарқандда ҳозирга қадар 37 нафар бемор соғайган.
Тошкент тиббиёт академияси кўп тармоқли клиникасидан 6 нафар, Эпидемиология, микробиология ва юқумли касалликлар илмий-текшириш институти клиникасидан 3 нафар, жами 9 нафар беморлар соғайиб, реабилитацияга кузатилди.
Тошкент тиббиёт академияси кўп тармоқли клиникасида соғайганларнинг 5 нафари Тошкент шаҳридан, 1 нафари эса Сурхондарё вилоятидан. Уларнинг 3 нафари Россиядан чартер рейсда юртимизга келишган ва карантинга олинган. Касаллик аниқлангач, мазкур клиникага ётқизилган. Қолган 3 нафари эса коронавирус инфекциясига чалинганлар билан мулоқотда бўлиб, касалликни юқтириб олган. Беморларнинг 4 нафари эркак, 2 нафари аёл бўлиб, энг ёши каттаси 63 ёшда бўлса, энг ёши кичиги 15 ёшда.
Эпидемиология, микробиология ва юқумли касалликлар илмий-текшириш институти клиникасидан тузалганларнинг 2 нафари (73 ёшли ҳамда 40 ёшли аёллар) Тошкент шаҳридан бўлиб, коронавирус инфекциясига чалинганлар билан мулоқотда бўлиб, касалликни юқтириб олган. 1 нафари (29 ёшли эркак) эса Қорақалпоғистон Республикасидан бўлиб, Қозоғистон Республикасидан юртимизга келган ва карантинга олинган. Коронавирус инфекцияси аниқлангач, шифохонага ётқизилган.
Тошкент шаҳрида шу пайтга қадар 468 нафар бемор соғайиб чиқди.
Ҳозирда мамлакатимиз бўйлаб коронавирус инфекциясидан соғайган беморлар 1 556 нафарни ташкил этмоқда, деб хабар беради Соғлиқни сақлаш вазирлиги матбуот хизмати.
