Мамлакатнинг шимоли-ғарбида Хайбер-Пахтунхва провинциясида юз берган тошқин оқибатида юзлаб хонадонлар вайрон бўлган, кўприклар ва электр узатгичлар қулаган. Дарёнинг тошиши натижасида сув босган ҳудудлар билан алоқа узилган.
Синд номли жанубий провинциядаги каналларнинг биридаги тўғоннинг ўпирилиши инсонлар қурбони ва бир неча қишлоқларнинг чўкишини юзага келтирди. Якшанба куни улар эвакуациясига армия бўлинмалари ва вертолётлар жалб қилинган. Фалокат юз берган ҳудудда жабрланганларга ёрдам кўрсатадиган кўчма госпиталь тикланган.
Ёмғир Покистоннинг йирик шаҳарларидан Карачи ва Лахорда нормал ҳаётни издан чиқарган. Кўчалар сув билан тўлган. Тошқин транспорт ва шаҳар хизмати фаолиятини қийинлаштириб қўйган, деб хабар беради «Мир 24».
