Мурожаатномада мамлакатимиз ҳаётининг ҳар бир жабҳасини янада ривожлантиришга оид йирик ташаббуслар илгари сурилиши ҳамда келгуси йиллардаги энг муҳим вазифалар юзасидан режалар тақдим этилиши кутилмоқда.
Президент неча марта Мурожаатнома йўллаган?
2017 йилнинг 22 декабрь куни Ўзбекистон тарихида илк маротаба Президентнинг парламентга 2017 йилда амалга оширилган асосий ишлар якунлари ҳамда Ўзбекистон Республикасини 2018 йилда ижтимоий-иқтисодий ривожлантиришнинг энг устувор йўналишларига бағишланган Мурожаатномаси тақдим этилди.
Мазкур дастурий маъруза чуқур мазмун ва катта аҳамиятга эга бўлиб, барча соҳаларни қамраб олгани сабабли халқимиз ҳамда ҳамкор мамлакатларда катта қизиқиш уйғотди.
2018 йилнинг 28 декабрь куни эса Президентнинг иккинчи Мурожаатномаси парламентга тақдим этилди.
Навбатдаги Мурожаатнома 2020 йилнинг 24 январида йўлланди. Тўртинчи Мурожаатнома эса 2020 йил 29 декабрь куни тақдим этилди.
