Айни пайтда аэровокзални кенгайтириш мақсадида амалга оширилаётган бунёдкорлик ишлари қизғин паллага кирган. Бунда йўловчиларга барча қулайликларни яратишга алоҳида эътибор қаратилаяпти. Замонавий, йирик қувватли юк этказиш лентаси ўрнатилаяпти. Қўшимча хизмат кўрсатиш хоналари барпо қилинмоқда.
Қурилиш-пардозлаш ишлари якунланиши билан аэровокзалда соатига ҳозирги 200 нафар ўрнига 400 нафар йўловчига хизмат кўрсатиш имкони туғилади.
Келгусида янги замонавий электрон тарозилар, инфокиоск, электрон китоб жавони ва йўловчиларга хизмат кўрсатишга мўлжалланган бошқа ускуналар ҳамда жиҳозлар ўрнатилиши ҳам режалаштирилган.
