Маълум қилинишича, Бош прокуратура ҳузуридаги Департаментнинг Қарши шаҳри бўлими ҳамда бошқа ҳуқуқни муҳофаза қилувчи органлар ҳамкорлигида ўтказилган тезкор тадбирда фуқаро З.Қ. ушланган. У 2 та елим пакетдаги 29 дона капсула ва 60 дона “Gabaten” дори воситасини 500 АҚШ долларига сотган вақтида ашёвий далиллар билан қўлга олинган.

Шунингдек, Андижон вилояти Улуғнор туманида ўтказилган тезкор тадбирда фуқаро Ж.А. фуқаро М.Х.га хорижда ишлаб чиқарилган 4 дона “Регапен” ва 1 дона “Тропикамид” дори воситаларини 670 минг сўмга сотган пайтда ушланган. Ундан мазкур дори воситалари ашёвий далил сифатида олинган.

Ҳолатлар юзасидан Жиноят кодексининг 251-1-моддаси билан жиноят ишлари қўзғатилиб, ҳозирда тергов ҳаракатлари олиб борилмоқда.