Бугун Қатарда ўтаётган жаҳон чемпионатининг гуруҳ ўйинлари якунланади. Кутилганидек, у шов-шувларга бой бўлди, Германия, Белгия каби кучли жамоалар турнирни тарк этди.
Африка ва Осиёдаги мамлакатлар термалари – Марокаш ва Япония гуруҳда биринчи ўринни олиб плей-оффга чиқди.
Мухлис ва мутахассилар эса ким чемпион бўлиши ҳақида турли башоратлар қилишда давом этмоқда. Бунинг учун турли қизиқарли фактларни излаб топмоқда. Мана, шундай қизиқарли фактлардан бири.
1978 йил. Кемпес ЖЧнинг 3-турида пенальтидан гол ура олмаган, аммо якунда Аргентина жаҳон чемпиони бўлган
1986 йил. Марадона 3-турда пенальтидан фойдалана олмаган, якунда Аргентина чемпион бўлган
2022 йил. Месси 3-турда пенальтидан гол ура олмади. Хўш, Аргентина чемпион бўладими? Бир неча кундан сўнг бу саволга жавоб топамиз.
