Шу йилнинг охирида Қатарда старт оладиган футбол бўйича жаҳон чемпионати ўйинлари пайтида стадионларда спиртли ичимликлар сотиш тақиқланади.
Reuters хабарида айтилишича, мухлислар стадионга киришдан олдин ва ундан чиққандан кейин пиво ичишлари мумкин, аммо ўйинлар вақтида ареналарда спиртли ичимликлар сотилмайди.
Шуни айтиб ўтиб ўтиш лозимки, чекланган вақтда пиво савдоси Доҳадаги ФИФА мухлислар зонасининг маълум қисмларида махсус белгиланган ҳудудларда амалга оширилади.
Маълумот учун, Қатарда жамоат жойларида спиртли ичимликлар истеъмол қилиш, шунингдек, мамлакатга олиб кириш тақиқланган. Ташриф буюрувчилар уларни фақат тегишли лицензияга эга бўлган бир нечта меҳмонхона ва клубларда сотиб олишлари мумкин.
