Давлат касалланиш чўққисига тезда етиб бориш учун синовлар ва контактларни кузатиш тизимини ишлаб чиқди. Натижада, Ғарбнинг бошқа саноатлашган мамлакатларига қараганда, коронавирусдан ўлим даражаси анча паст бўлди.
Мамлакатда қисқа муддатли ва мақсадли ўзини-ўзи изоляция қилиш режими жорий этилди, бунинг натижасида ишсизлик олти фоизга чекланди. Дунё ҳамжамияти уни жўшқинлик билан мақтовга сазовор этди, мамлакат раҳбари эса 40 дан 70% гача машҳурликка эришди, деб ёзади The New York Times.
Гап канцлер Ангела Меркел бошчилигидаги Германия ҳақида бормоқда. Германия ўзининг барча кучли ва афзал томонларини намойиш этмоқда ва шу туфайли унинг йирик иқтисодиёти пандемиядан кейин дунёда гуллаб-яшнайди, деб ҳисоблайди мақола муаллифи.
Германиянинг пандемияга қарши реакцияси унинг афзал томонларини кўрсатди: кучли ҳокимият, кам миқдордаги қарз, глобал савдо камайиб бориши шароитида немис экспортини ҳимоя қиладиган юқори даражадаги иқтисодиёт, шунингдек, Америка ва Хитой Интернет гигантлари ҳукмронлик қиладиган дунёда ўз IT-компанияларини яратиш учун улкан салоҳиятга эгалигидир.
