Аниқланишича, ишлаб чиқилган лойиҳа ҳужжатларида объектнинг йиғма темир-бетон конструкциялар асосида рамали типда қурилиши кўзда тутилган. Ташқи томондан тўлдирувчи сифатида газоблок қурилиш материалидан фойдаланиш кўрсатилган.
Айнан видеолавҳада акс этган газоблок тўлдирувчи материалининг асосга маҳкамланиш тартиби лойиҳа ҳужжатларида кўрсатилмаганлиги, боғлаш, мустаҳкамлаш чизмалари ва қирқимлари лойиҳага аниқ киритилмаганлиги сабабли:
Навоий вилоят қурилиш соҳасида ҳудудий назорат инспекцияси томонидан “ТошуйжойЛИТИ” АЖ Навоий филиали масъул ходими Ж.Рустамов,
газоблок материалининг норматив талабларга зид равишда монтаж қилиниши бўйича “Zarafshan golden group” МЧЖ масъул ходими А.Хожиев,
шунингдек, қурилиш-пудрат ва лойиҳа ташкилотининг тегишли вакиллари ҳам такрорий равишда МЖтКнинг 99-моддаси тегишли қисмларига асосан маъмурий жавобгарликка тортилган.
Сифатсиз бажарилган газоблок териш ишлари 15 кун аввал ҳудудий назорат инспекцияси томонидан аниқланиб, жойида буздириб ташланган.
Маълумот ўрнида, бугунги кунга қадар Қурилиш соҳасида ҳудудий назорат инспекцияси томонидан ушбу объект бўйича 135 марта мониторинг ишлари ўтказилиб, аниқланган қоидабузарликлар юзасидан бажарилиши мажбурий бўлган 32 та кўрсатма берилган.
Аниқланган камчиликлар ўз вақтида бартараф этилмаганлиги, шунингдек, қурилиш-монтаж ишларида лойиҳадан четланиш ва лойиҳа ҳужжатларини ишлаб чиқишда камчиликларга йўл қўйганлиги сабабли инспекция томонидан буюртмачининг техник, қурилиш пудрат ташкилотининг ички ва лойиҳа ташкилотининг муаллифлик назорати бўйича масъулларга нисбатан 5 марта Ўзбекистон Республикаси МЖтКнинг 99-моддаси тегишли қисмларига асосан маъмурий жавобгарликка тортилган.
