“Ҳурматли “Казинформ” агентлиги ходимлари! Сизни "Казинформ" халқаро ахборот агентлигининг 100 йиллиги билан самимий табриклайман!
Агентлик катта авлодга яхши маълум бўлган "КазТАГ"дан ҳозирги "Казинформ"га қадар узоқ ривожланиш йўлини босиб ўтди. Кўплаб тарихий воқеаларни ёритиш, айниқса Мустақиллик йилномасини тузишга алоҳида ҳисса қўшди.
Элбошининг барча ташаббуслари, мамлакатимизнинг ижтимоий-иқтисодий, маданий ва маънавий ривожланиши доимо "Казинформ" каналида акс этган”, — дейилади давлат раҳбарининг табригида.
Қозоғистон Республикаси Президенти таъкидлаганидек, асрлик марраларни босиб ўтган Агентлик давлат сиёсатини илгари суриш нуқтаи назаридан мамлакат тараққиётига катта ҳисса қўшди. "Казинформ" жамиятни тезкор равишда ишончли янгиликлар билан таъминлайди, шунингдек, халқаро майдонда мамлакатнинг обрўсини шакллантиришда ҳам иштирок этмоқда.
“Мен ишонаманки, Қозоғистоннинг етакчи ахборот агентлигида фаолият юритаётган журналистлар ўзларининг меҳнати учун ҳар доим юқори мукофотларга лойиқдир. Агентлик ходимлари ва фахрийларига мустаҳкам соғлиқ ва ижодий муваффақият тилайман. Яхши хабарлар бардавом бўлсин!” дейилади табрик матнида.
