Россия тўғридан-тўғри инвестициялар жамғармаси раҳбари Кирилл Дмитриевнинг хабар беришича, 2 миллиондан зиёд доза вакцинани етказиб бериш тўғрисида битим имзоланган. Бу ҳақда ТАСС хабар беради.
- Келишувга биноан биз Қозоғистонга 2 миллиондан зиёд Россиянинг
«Спутник V» вакцинасини етказиб беришимиз керак. Келгусида эса ҳамкорларимиз билан ушбу кўрсаткични 5 миллион дозага етказиш имкониятларини ўрганяпмиз, — деди Кирилл Дмитриев.
«Спутник V» вакцинасини етказиб бериш тўғрисида жамғарма Қозоғистон Соғлиқни сақлаш вазирлигининг ягона дистрибютори бўлган «СК-Фармация» компанияси билан келишган, деб хабар беради Российская газета.
«Спутник V» вакцинасига Н.Ф.Гамеля номидаги эпидемиология ва микробиология илмий тадқиқот марказида асос солинган ва ишлаб чиқариляпти. Дунё бўйича бир юз элликдан ортиқ шунга ўхшаш дори воситалари ишлаб чиқариляпти. Улардан тахминан ўттизтаси одамларда клиник синовдан ўтказиляпти.
