Қозоғистонда карантин тадбирларини босқичма-босқич юмшатиш режаси ишлаб чиқилмоқда, деди соғлиқни сақлаш вазири Алексей Цой ҳукумат йиғилишида.
“Карантин чораларини юмшатиш бўйича ишлаб чиқилган мезонларга мувофиқ вазирлик юқумли касалликнинг репродуктив кўрсаткичи — одамлар сонини кузатди. Бунда қайси бемор изоляция қилинмасдан касаллик юқтирганлиги ва коронавирус инфекциясини даволаш учун касалхонада ётиш фоизи қанчалиги инобатга олинди”, — деди Цой.
Унинг таъкидлашича, уч ҳафталик карантин ўз самарасини бермоқда. “Уч ҳафталик карантин давомида қуйидагиларга эришилди: инфекциянинг репродуктив кўрсаткичи 1,2 дан 0,99 гача пасайди. Ва койкаларни банд қилиш 90 фоиздан 47 фоизга тушди. Шундай қилиб, соғлиқни сақлаш тизимидаги асосий юк кўрсаткичларининг юқоридаги ижобий динамикаси карантин тадбирларини босқичма-босқич юмшатиш мумкинлигидан далолат беради”, деди вазир.
Соғлиқни сақлаш вазирлигининг маълумотларига кўра, Қозоғистонда карантин жорий этилганидан бери коронавирус билан боғлиқ ҳолатлар 29 фоизга камайган.
