Қайд этилишича, республикадаги барча муҳофаза этиладиган табиий ҳудудларда биотехник тадбирлар ўтказилмоқда. Хусусан, резерватда ҳам ҳайвонларнинг қишдан эсон-омон чиқиши, озуқа топишини осонлаштириш мақсадида турли жойларга озуқа маҳсулотлари қўйиб чиқилмоқда.
Маълумот учун, Хонгул йўқ бўлиб кетаётган, локал тарқалган кенжа тур сифатида Ўзбекистон Қизил китоби, CITESнинг II иловасига, трансчегаравий кўчиб юрувчи тур сифатида эса Бонн Конвенциясига киритилган.
