Фильм постановкачи режиссёри Эльдар Салаватов, рассом Юрий Фоменко, продюсерлар Эдуард ва Кристина Горбенко, режиссёр Таня Суляева. Куни кеча ўзбекистонлик ва россиялик киноижодкорлардан ташкил топган ижодий гуруҳ Тошкент вилояти Бўстонлиқ туманининг Бурчмулла қишлоғида бўлишди.
“Қуёш лаззати” фильми ижодкорлари шунингдек, тасвирга олиш жойларини кўздан кечириш мақсадида Бухоро ва Самарқандга ҳам ташриф буюришлари кутилмоқда. “Қуёш лаззати” фильми оилавий томоша килишга мўлжалланган фантастик-саргузашт жанрида суратга олинади.
Эслатиб ўтамиз, “Ўзбеккино” Миллий агентлиги 2020 йил октябрь ойида Россиянинг “Спутник Восток Продакшн” кинокомпанияси билан “Қуёш лаззати” фильмини суратга олиш бўйича меморандум имзолаган эди.
