Мазкур станция давлат-хусусий шериклиги асосида Бирлашган Араб Амирликларининг «Abu Dhabi Future Energy Company – Masdar» компанияси билан ҳамкорликда Навоий вилоятининг Кармана туманида қуриляпти.
Ҳозирги кунда ер майдонида бошланғич ишлар амалга ошириляпти. Ушбу жараёнда, мутахассислар учун лагерлар қуриш, техник сув ва электр энергияси ҳамда ахборот технологиялари ва коммуникация воситалари билан таъминлаш ишлари олиб бориляпти. Лагерлар пойдеворлари қуриб битказилган. Ҳозирда, ер майдонини текислаш ва тўсиқлар билан ўраб чиқиш ишлари якунланган бўлиб, электр станцияси 2021 йилнинг тўртинчи чорагида ишга туширилиши режалаштирилган.
Мазкур инвестиция лойиҳасининг умумий қиймати 110 миллион долларга баҳоланган ва инвестор («Masdar» компанияси) томонидан 100 фоиз тўғридан-тўғри молиялаштирилади, деб хабар беради Энергетика вазирлиги матбуот хизмати.
