Республика спорт тиббиёти илмий-амалий маркази муҳим ҳамкорлик меморандумини имзолади

Спорт 12 апр 2022, 09:56 1 872

Россиянинг "Спинной мозг" жамияти президенти, Россия, Европа ва жаҳон нейрохирургия ассоциацияси аъзоси, тиббиёт фанлари доктори, профессор Андрей Басков Миллий Олимпия қўмитаси қошидаги Республика спорт тиббиёти илмий-амалий марказида бўлди.

Андрей Басков дастлаб РСТИАМ фаолияти билан яқиндан танишиб, марказнинг малакали мутахассислари билан соҳадаги назарий ва амалий билимларини улашди. Шунингдек, спортчиларни даволаш ва реабилитация қилишнинг илғор ишланмалари ва усуллари бўйича мутахассислар учун семинар ўтказди.

Андрей Басков Республика эндокринология маркази ва "Эзгу ният" клиникасининг фаолияти билан ҳам танишди. Якунда РСТИАМ ва “OrthoSpine” клиникаси ўртасида ўзаро ҳамкорлик меморандуми имзоланди.