Коронавирус пандемияси даврида Россияга кириш учун чет эллик сайёҳларга йўллар ёпилгани туфайли Россия туриндустрияси 500 миллиард рубль кам даромад қилган. Бу ҳақда Ростуризм раҳбари Зарина Догузова фикр билдирган.
«Ўтган йилги натижа туризмнинг мамлакатга 10,9 миллиард доллар олиб киргани ҳақида гувоҳлик берган. Бу қурол-яроғ, бир қатор рангли металлар, ёғоч экспортларидан келадиган даромад билан солиштирса арзийдиган сумма. Бизнинг ҳисобимиз бўйича, зарар 500 миллиард рубль атрофида», — деган Зарина Догузова aif.ru га берган интервьюсида.
Ростуризм раҳбари таъкидлаганидек, бу зарарни сайёҳлар учун 2021 йил 1 январдан электрон визанинг жорий этилиши қоплаши мумкин. Бу чорани у Россия туризми учун тарихий қарор деб баҳолади. Догузова сўзларига қараганда, электрон виза бу ҳудудларнинг инқироздан кейин тезроқ тикланиб олиши учун муҳим инқирозга қарши чорадир.
Аввал Ростуризмда Россиянинг туризм соҳаси 2020 йилнинг биринчи ярми якуни бўйича пандемия туфайли чегаралашлар сабаб 1,5 триллион рубль зарар кўргани ҳақида хабар берганди.
