Олимларнинг фикрича, уларнинг ишланмасининг дунё бўйича муқобили йўқ.
Эпилепсия хавфли неврологик касаллик бўлиб, ЖССТ маълумотларига кўра, дунё бўйича 50 миллион киши ундан азият чекади. Унинг асосий белгиси тутқаноқ бўлиб, мия нейронларининг патологик синхронизацияси асосида юзага келади. Мутахассисларнинг таъкидлашича, тутқаноқ кўпинча ташқи белгиларсиз ўтиб кетади, шунинг учун кўплаб одамлар касал эканлигини сесмаслиги мумкин.
Ушбу касалликни клиник амалиётда ташхислаш ва даволаш учун электроэнцефалография қўлланилади, бу эса миянинг электр фаоллигини қайд этиш имконини беради. Мавжуд усуллар электроэнцефалография натижаларини шифокор томонидан “қўлда” қайта ишлашни ўз ичига олади, бу бир бемор учун олти соатгача вақтни талаб этиши мумкин.
Иммануил Кант номидаги Болтиқбўйи федераль университети олимлари Н.И. Пирогов номидаги Миллий тиббий-жарроҳлик маркази мутахассислари билан биргаликда электроэнцефалография маълумотлар мажмуасида тутқаноқ ҳолатига хос бўлган ғайритабиий электр фаоллиги белгиларини мустақил равишда аниқлаши мумкин бўлган дастурни ишлаб чиқди. Ихтирочиларнинг фикрича, таклиф этилаётган алгоритм шифокорларга касалликка ташхис қўшда ёрдам беради, деб хабар беради ria.ru.
