Россияликларнинг ярмидан кўпи, яъни 52 фоизи коронавирус вакцинасини ҳали ўзларига ишлатишга тайёр эмаслар, деди ВЦИОМ раҳбари Валерий Фёдоров “Мулоҳазалар ҳудуди” форумида ўтказилган тадқиқотда аниқланган маълумотларга таяниб.
Кузатувларга кўра, респодентларнинг 42 фоизи эмланишга рози, 6 фоизи эса жавоб беришга қийналмоқда.
Шунингдек, мамлакат аҳолисининг ярмидан кўпи коронавируснинг иккинчи тўлқинини кутмоқда. Ўтган ойда бу кўрсаткич 6 фоизга ошди.
Иккинчи тўлқин бўлмайди, деб ишонади 30 фоиз респодентлар. Бундан ташқари, тадқиқот шуни кўрсатадики, россияликларнинг ярмидан кўпи коронавирусдан касалланишдан қўрқишади. 12 фоизи касалликни четлаб ўтишига ишонади, 13 фоизи ҳали бу ҳақда ўйламаган. Фёдоровнинг сўзларига кўра, сўровда 18 ёшдан катта бўлган 1,6 минг нафар одам иштирок этган.
