2022 йилда Ўзбекистондан сархил гилос экспорти жорий йил май ойининг биринчи кунларидан бошланди. Бу ўтган йилга нисбатан 4-5 кун эрта демакдир.
Куни кеча Самарқанд вилоятида жойлашган “Samarqand Garden Plast” экспортёр корхонаси томонидан Ўсимликлар карантини ва ҳимояси агентлиги Экспортга кўмаклашиш бўлими мутахассисларининг амалий тавсиялари ва кўмагида Кореяга гилоснинг синов партияси жўнатилди.
Корея томонининг тасдиғидан сўнг корхона томонидан катта ҳажмдаги гилос экспорти амалга оширилиши режалаштирилмоқда.
Маълумот ўрнида: Ўзбекистон жаҳон бозорида гилоснинг энг йирик экспортёрларидан бири бўлиб, ўтган йили ушбу маҳсулот экспорти бўйича жаҳонда 5-ўринни эгаллаган эди.
