ФВВнинг маълум қилишича, 8 апрель куни соат тахминан 18:00 ларда Самарқанд вилояти ФВБ навбатчилик қисмига «Олтин аср» маҳалласида жойлашган қурилиш объектларининг бирида фуқаро тупроқ остида қолиб кетгани ҳақида хабар келиб тушган.

Қисқа вақт ичида ҳодиса жойига етиб борган қутқарувчилар махсус асбоб-ускуналар ёрдамида жабрланувчини тупроқ остида қолган жойдан тезкорлик билан чиқариб олган ва унга биринчи тиббий ёрдам кўрсатган.

Жабрланувчи шифохонага олиб борилган. Шифокорлар маълумотига кўра, унинг ҳаёти ва соғлиғига хавф йўқ бўлиб, яқин кунларда тиббиёт муассасасидан чиқарилиши кутилмоқда.