УзА'нинг ёзишича Хитойдаги гидронасос ва генераторлар ишлаб чиқарувчи энг йирик корхоналардан бири бўлган "Tianjin Baili Equipment Group" компанияси раиси Ву Жейжун бошчилигидаги бошқарув кенгаши аъзолари билан музокаралар чоғида ҳамкорликда ишчи гуруҳ ташкил этиб, мини ГЭСлар қуриш учун мавжуд имкониятларни ўрганиш ва лойиҳалар ишлаб чиқиш, қуёш панеллари орқали ишлайдиган сув насослари ишлаб чиқаришни йўлга қўйиш, қуёш ва шамол станциялари учун генератор ва эҳтиёт қисмларни ишлаб чиқариш масалалари муҳокама этилди.
Давлат шерикчилигида ташкил этилган компанияда электр энергиясини олиш жараёнида зарур бўлган барча ускуна ва технологиялар ишлаб чиқарилади ва бутун мамлакатдаги лойиҳаларнинг 20 фоизидан ортиғи амалга оширилади.
Компания вакиллари тез орада Самарқандда бўлиб, биргаликда амалга ошириладиган лойиҳаларни ишлаб чиқиши айтилди.
