Маълумотларга кўра, қурилма дисплейни ташқарига силжитиш имконини берувчи дизайнга эга. Агар зарур бўлса, унинг мослашувчан экрани букланиши ҳам мумкин. Букланган ҳолатда қурилма ихчам ўлчамларга эга бўлади, лекин очилганда уни планшет сифатида ҳам ишлатиш мумкин.
Қайд этилишича, Корея корпорацияси муҳандислари биринчи шундай гибрид қурилмани яратган бўлиши мумкин. “Махсус дизайн катта экранда видео томоша қилиш ва ўйинлардан фойдаланиш имконини беради”, — дея таъкидлади ихтиро муаллифи. Дисплейни кенгайтириш учун махсус механизм масъул бўлиб, олд панелни суради ва очади.
Бўлажак смартфон ҳақида қўшимча маълумотлар ошкор этилмаган. Муаллифнинг сўзларига кўра, патент Бутунжаҳон интеллектуал мулк ташкилоти маълумотлар базасида июнь ойида пайдо бўлган, бироқ ташкилот уни фақат йил охирида эълон қилди. Таъкидланишича, қурилма ҳали патент олиш жараёнида.
