Кеча ҳамюртимиз, ҳужумкор ярим ҳимоячи Сардор Рашидов Қатарнинг “Умм Салал” клуби билан бир йиллик шартнома имзолади. Бу ҳақда футболчининг ўзи инстаграмдаги саҳифасида маълум қилди.
Сал олдинроқ, “Пахтакор” клуби расмий сайти ҳам Қатар клуби Сардорни трансфер қилганини билдирганди.
“Умм Салал” ўтган мавсум мамлакат чемпионатида 6-ўринни эгаллаган. 31 ёшли футболчимиз жорий мавсумда Суперлигада 7 ўйинда иштирок этиб, битта гол урган. У илгари ҳам Қатарнинг “Ал-Жаиш”, “Қатар СК” клубларида ўйнаган.
